Ditëve të fundit, në rrjetet sociale ka qarkulluar një fotografi për të cilën thuhej se provonte se banori i “Big Brother VIP Kosova 4”, Labinot Rexha, ka një fëmijë jashtëmartesor. Ky lajm shkaktoi reagime të shumta nga publiku, duke ndezur spekulime dhe thashetheme mbi jetën private të tij.
Lidhur me këto pretendime, bashkëshortja e këngëtarit, Laureta Hoxha, ka dalë sot në emisionin “Kosova Today” për t’i mohuar ato njëherësh. Ajo sqaroi se situata ka lindur nga një keqkuptim për shkak të mbiemrit të njëjtë “Rexha”.
Laureta theksoi: “Ky fëmijë nuk ka të bëjë asgjë me Labinotin. Labinoti, përveç që ka tentuar ta kontaktojë babain e fëmijës dhe ta ndihmojë, nuk ka asgjë tjetër. Nëna e fëmijës nuk ka mundur të kontaktojë me babain e vërtetë dhe e ka gjetur Labinotin vetëm për shkak të mbiemrit Rexha. Ajo ka kërkuar ndihmë nga Labinoti, për ta gjetur prindin e fëmijës së vet.”
Ajo shtoi gjithashtu se babai i vërtetë i fëmijës është një familjar nga Rahoveci, po ashtu me mbiemrin Rexha, duke e përjashtuar çdo lidhje tjetër me Labinotin.
Kjo deklaratë vjen pas një vale spekulimesh në rrjetet sociale, ku disa përdorues e lidhën gabimisht Labinotin me fëmijën, duke krijuar tension dhe keqkuptime mes fansave të emisionit.
