Sulmuesi italian Lorenzo Lucca nuk iu bind urdhrave të skuadrës gjatë ndeshjes mes Leçes dhe Udineses duke ekzekutuar penalltinë pa pëlqimin e trajnerit dhe bashkëlojtarëve.
Ai në fakt luftoi me disa nga shokët e tij dhe ishte i vendosur të ekzekutonte penalltinë, edhe pse kjo përgjegjësi i takonte dikujt tjetër.
Disa lojtarë të Udineses ishin të zemëruar me shokun e tyre të skuadrës, i cili mori topin dhe qëndroi në penallti, pavarësisht se Florian Thauvin si sulmuesi i tyre ishte në fushë dhe mbante gjithashtu shiritin e kapitenit.
Lucca nuk pranoi t'ia dorëzonte këtë përgjegjësi dikujt tjetër, gjë që çoi në një përplasje me disa nga shokët e tij të skuadrës, përfshirë Jaka Bijol, i cili tentoi ta shtynte nga pika e bardhë.
Thauvin, Alexis Sanchez dhe Oumar Solet ishin mes lojtarëve të tjerë të përfshirë në këtë përballje.
Edhe lojtarët e Leçes u zhgënjyen nga kjo situatë, duke marrë parasysh se sa kohë u desh për të realizuar këtë penallti.
Në fund, Lucca shënoi nga pika e bardhë duke gjuajtur në këndin e sipërm të krahut të majtë të portierit.
Megjithatë, trajneri Kosta Rubnjaic zëvendësoi menjëherë Lucca, duke sjellë në lojë Iker Bravo në minutën e 36-të për ta zëvendësuar atë.
