Shqipëria ka humbur në shtëpinë e saj ndaj Ukrainës në ndeshjen e fundit të Ligës së Kombeve me rezultatin 1-2, duke e mbyllur Grupin B1 në vendin e fundit.
Kjo do të thotë se edicionin tjetër Shqipëria do të duhet ta nisë nga fillimi, për shkak se kemi rënë në Ligën C, ndërsa pretendonim që të shkonim në Ligën A.
Ndeshja nisi me dy gola të shpejtë të ukrainasve në harkun e 4 minutave me anë të Zinchenkos dhe Yaremchuk, duke e parë veten në disavantazh të dyfishtë pas 10 minutave të para.
Pjesa e parë ishte për tu harruar për kuqezinjtë, të cilët nuk ishin asgjëkund në fushë.
Pjesa e dytë nisi me ritëm tjetër, kjo falë dhe zëvendësimeve të shpejta të bëra nga Sylvinho. Bajrami dhe Uzuni e vunë në provë mbrojtjen ukrainase.
Ishte pikërisht Uzuni që fitoi një 11-metërsh në minutën e 73’, që u shndërrua në gol nga Bajrami dy minuta më pas.
Gjithsesi kuqezinjtë nuk arritën të shënonin dhe golin e barazimit, edhe pse rastet nuk munguan.
Kështu Shqipëria do të luajë edicionin e ardhshëm të Ligës së Kombeve në Ligën C, ku mbylli Grupin B1 me 6 pikë.
