Finalja e Eurovision 2025 në Bazel të Zvicrës u mbyll me një finale spektakolare, ku Austria u shpall fituesja e madhe e konkursit të këtij viti, ndërsa Shqipëria, me Shkodra Elektronike e këngën "Zjerm", zuri vendin e 8-të.
Izraeli ndërkohë zuri vendin e dytë, ndërsa Estonia vendin e tretë. Vendi i 4-të dhe 5-të u plotësua nga Suedia dhe Italia. Vlen të theksohet se grupi shqiptar i muzikës elektronike mori shumë më tepër vota nga televotimi, por siç ndodh në Eurovision juritë votuan shumë pak këngën shqiptare dhe vetëm Franca i dha 12 pikë. Nga juritë "Shkodra Elektronike" mori vetëm 45 pikë. Juria franceze ishte e vetmja që e vlerësoi maksimalisht këngën shqiptare.
Ndërkohë publiku nga e gjithë bota i dha këngës shqiptare 173 pikë, duke e çuar kështu në kuotën e 218 pikëve.
Dyshja përfaqësuese e vendin tonë u pa e emocionuar teksa brohoritjet nuk munguan në Bazel.
Shkodra Elektronike me këngën “Zjerm” është renditur në vendin e tetë të Eurovisionit të zhilluar në Bazel, duke grumbulluar 218 pikë në total.
Pikët në total 218
Votimi nga publiku 173
Votimi për Shqipërinë nga juria- 45 pikë
Suedia - 3 pikë
Azerbaixhan - 0 pikë
Malta - 0 pikë
Holanda - 1 pikë
Sllovenia - 0 pike
Armenia - 0 pikë
Luksemburg - 0 pikë
San Marino - 0 pike
Ukrainë - 0 pikë
Norvegjia - 0 pikë
Austria - 0 pikë
Franca - 12 pikë
Italia - 3 pikë
Portugalia - 4 pikë
Danimarka - 0 pikë
Letonia - 0 pikë
Kroacia - 0 pikë
Irlanda - 0 pikë
Polonia - 5 pikë
Mali i Zi - 10 pikë
Greqia - 2 pikë
Serbia - 0 pikë
Cekia - 0 pikë
Britania e Madhe - 0 pikë
Spanja - 1 pikë
Finlanda - 0 pikë
Australia - 0 pikë
Gjermania - 0 pikë
Belgjika - 0 pikë
Izraeli - 0 pikë
Lituania - 0 pikë
Gjeogjia - 0 pikë
Qipro - 4 pikë
Estonia - 0 pikë
Zvicra - 0 pikë
12 pikët e jurisë shqiptare për Francën
Ndërkohë, siç shikohet nga votimi, Shqipërisë i kanë dhënë 0 pikë plot 25 vende nga 35 në garë. Në një farë mënyre Beatriçe Gjergji e Kol Laca duket se kanë "thyer një rekord", pavarësisht se kënga e tyre hyn mes këngëve më të klikuara (1.4 milion shikime për 4 ditë) në faqen e Eurovision dhe e përzgjedhur nga disa media e agjensi prestigjoze si e përzgjedhura e tyre. Por kjo pak rëndësi duket se ka patur për juritë që dukshëm kanë patur votat e tyre "politikisht" preferenciale.
Dhjetë vendet e para të finales së madhe u formuan si më poshtë:
1. Austria – 436 pikë
2. Izraeli – 357 pikë
3. Estonia – 356 pikë
4. Suedia – 321 pikë
5. Italia – 256 pikë
6. Greqia – 231 pikë
7. Franca – 230 pikë
8. Shqipëria – 218 pikë
9. Ukraina – 218 pikë
10. Zvicra – 214 pikë
