Kryetari i Paritsë së Lirisë, Ilir Meta ka nisur fushatën e tij sot nga bashkia e Kamzës aty ku dhe do të kandidojë si deputet për zgjedhjet e ardhshme.
Njoftimin e bëri vetë kreu i PL-së me anë të një njoftimi në llogarinë e tij në Facebook.
Nga momentet me takimet me qytetarët, Meta shkruan se Partia e Lirisë do të marrë 100 mijë vota në kryeqytet dhe se takimet e drejtëpërdrejta dhe shpalosja e 5 prioriteteve do të bëjë të mundur përmbysjen e madhe demokratike.
Postimi i Ilir Metës:
Sot në Bashkinë Kamëz nisa fushatën time si President i Partisë të Lirisë për të shtrënguar duart drejtpërdrejt me të paktën 100 mijë qytetarë të Qarkut të Tiranës, ku do të kandidoj për deputet në zgjedhjet e ardhshme.
Takimet e drejtpërdrejta dhe shpalosja e 5 Prioriteteve tona do të bëjë të mundur objektivin tonë madhor për Përmbysjen e Madhe demokratike dhe ndalimin e shpopullimit të Shqipërisë.
