Partia Popullore Europiane (partitë e qendrës së djathtë në Europë), ka dënuar gjuhën e përdorur nga kreu i Grupit të Partisë Socialiste, Taulant Balla, ndaj deputetes Albana Vokshi në seancën plenare të ditës së djeshme në Kuvend.
Në reagimin zyrtar me shkrim, PPE shkruan se poshtërimi personal dhe shprehjet seksiste nuk kanë vend në një institucion demokratik. Ndërsa kritikoi edhe mosreagimin e kryeparlamentarit Niko Peleshi, institucioni bëri thirrje që qeveria të përmbahet nga sjelljet që shkelin dinjitetin.
“Ne, gratë e EPP, dënojmë me forcë sulmin verbal seksist të kryetarit socialist Taulant Balla, drejtuar ndaj Zëvendëspresidentes sonë Albana Vokshi, gjatë seancës së fundit plenare të Parlamenti i Shqipërisë, ku ai sugjeroi se numri i saj është “0900” – një referencë ndaj një linje telefonike seksuale!
Komentet seksiste dhe poshtërimi personal nuk kanë vend në institucionet demokratike. Mosadresimi i këtij incidenti gjatë seancës është i papranueshëm.
Ne qëndrojmë në solidaritet të plotë me Zëvendëspresidenten tonë dhe u bëjmë thirrje të gjithë aktorëve politikë, veçanërisht atyre të shumicës qeverisëse, të përmbahen nga gjuha dhe sjelljet që shkelin dinjitetin dhe të drejtat e grave. Respekti dhe toleranca zero ndaj seksizmit duhet të udhëheqin institucionet tona politike"- shkruhet në reagim. Versus.al
