Në një raport të përmbledhur mbi trajtimin e shtetasve të huaj, Gjykata e Lartë italiane ka sinjalizuar dyshime serioze mbi përputhshmërinë e protokollit Italia–Shqipëri për menaxhimin e emigrantëve. Siç njofton Il Manifesto, ndërsa analizonte këtë marrëveshje, Gjykata ka vënë në dukje shkelje të mundshme në Kushtetutën italiane, si dhe në parimet e së drejtës ndërkombëtare dhe ligjit të Bashkimit Europian.
Raporti tregon se doktrina juridike ka shprehur “dyshime të shumta për kompatibilitetin e këtij protokolli me Kushtetutën dhe me të drejtën ndërkombëtare”, duke u fokusuar në marrëdhënien e tij me ligjet e Bashkimit Evropian.
Ky është një sinjal i fortë: Gjykata e Lartë po analizon mundësinë që protokolli i ndarjes së migracionit me Shqipërinë të mos qëndrojë në përputhje me ligjet italiane, ndërkombëtare dhe europiane.
Gjykata e Lartë italiane shton dyshime serioze nëse ky protokoll respekton Kushtetutën italiane – për shembull:
A mundet Italia të ushtrojë autoritet mbi njerëz të mbajtur jashtë territorit të saj?
A respektohen të drejtat themelore të njeriut për migrantët që mbahen në Shqipëri?
Dyshon se shkelen ligjet ndërkombëtare dhe ato të Bashkimit Evropian, si:
Konventa Evropiane për të Drejtat e Njeriut
Ligjet europiane për azilin dhe trajtimin e migrantëve
Kështu sipas Gjykatës së Lartë italiane marrëveshja mes Italisë dhe Shqipërisë për trajtimin e emigrantëve mund të jetë në kundërshtim me Kushtetutën dhe ligjet ndërkombëtare. Ajo ngre alarmin se mbajtja e migrantëve në territor të një vendi tjetër (në këtë rast, Shqipëria), nën autoritetin italian, është një zonë gri ligjore që mund të jetë e paligjshme.
Ky zhvillim mund të ketë pasoja të rëndësishme për mënyrën se si Italia menaxhon flukset migratore në bashkëpunim me vendet fqinje, duke rihapur debatin politik dhe ligjor me pasoja të mundshme edhe për marrëveshjen e ardhshme mes dy vendeve.
