Rreth 27 minuta zgjati seanca plenare e ditës së sotme e cila dukej se do të ishte e pamundur për t’u mbajtur për shkak se deputetët demokratë të përjashtuar nga Kuvendi po pengonin hyrjen edhe të kolegëve të tyre socialistë.
Megjithatë 71 deputetë socialistë arritën të futeshin në sallë ku votuan marrëveshjen me Gjermaninë për një grant prej 3 milionë eurosh për përballimin e ndryshimeve klimatike. Ndërkohë që dështoi zgjedhja e 2 anëtarëve nga Shoqëria Civile për në KLP e KLGJ. 7 vota pro, 56 abstenim dhe 4 kundër mori kandidatura e Erion Fejzullës për anëtar në KLGJ.
Ndërkohë, burime bëjnë me dije se pavarësisht kaosit të krijuar jashtë sallës së Kuvendit dhe pengesave ndaj socialistëve për të hyrë, këta të fundit nuk do të bëjnë kërkesa të tjera për përjashtim deputetësh. Versus.al
