Kryetari i partisë ‘’Shqipëria Bëhet’’, Adriatik Lapaj nuk do të marrë pjesë në organizimin e përbashkët të opozitës për një kandidat përbashkues për zgjedhjet e parakohshme në bashkinë e Tiranës.
I ftuar në emisionin ‘’Opinion’’, Lapaj tha se nuk ka dëshirë të jetë pjesë e një procesi partiak pasi nuk i pëlqen mënyra sesi po procedohet për diskutimet mbi kandidatin e mundshëm.
“Nuk dua të jem ai që prish festën! Por mënyra si po procedohet nuk është e duhur, po procedohet përmes një kandidati partiak. Po flasim për një qytet me afro 700 mijë votues, 600 e ca mijë, qyteti më i madh. Po flasim për elektoratin më të madh në vend”, deklaroi ai.
Nga negociatat me PD, që prej fillimit është i përjashtuar kreu i Lëvizjes Bashkë, Arlind Qori pasi Flamur Noka e cilësoi si ektremist të majtë. Ndërsa negociatat kanë vijuar me partinë Mundësia dhe PDIU. Versus.al
