Kryeministri Edi Rama do ta nis javën e ardhshme me një takim me të gjithë shefat e shërbimeve në Qendrën Spitalore Universitare “Nënë Tereza ” , pas skandalit të Onkologjikut.
Takimi do të zhvillohet të hënën paradite në ambientet e QSUT-së, ku do të ketë përballë shefat e shërbimit të qendrës më të madhe spitalore në vend.
Nga zbardhja e dosjes hetimore , të këtij skandali thuhet se mjekët dhe punonjës të spitalit Onkologjik të Tiranës, abuzonin me detyrën, duke krijuar vështirësi për pacientët e prekur nga kanceri.
Versus.al ka sjellë dëshmi dhe fakte nga ky skandal duke nisur që nga fakti që si Kontrolli i Lartë i Shtetit kishte bërë një audit gjatë vitit 2022 rreth situatës në këtë spital, ku zbuloi një numër të madh shkeljesh, mes tyre edhe aparaturën e kobaltit për trajtimin e kancerit që ishte lënë jashtë çdo standarti duke rrezikuar jetën e shumë njerëzve me rrezatimin e saj por s'kallëzoi në prokurori deri tek dëshmia e doktorit Adrian Hotit i cili kishte denoncuar më herët megaskandalin me rrezatimin e aparaturës së Kobaltit në Onkologjik.
