Ish-gardisti në kohën e protestës së 21 Janarit dhe aktualisht deputet i PS, Agron Malaj, reagoi në Kuvend për herë të parë mbi ngjarjet e asaj dite dhe pretendimet për të ashtuquajturin “Grup i Zjarrit”, duke mohuar kategorikisht ekzistencën e një strukture të tillë dhe duke e cilësuar atë si shpikje.
Ai akuzoi opozitën për sulme të vazhdueshme ndaj familjes së tij dhe theksoi se qëndrimit të tij nuk i heq “asnjë presje”.
Malaj deklaroi se në atë periudhë ka qenë komandant i Seksionit 4 dhe se mban përgjegjësi vetëm për vartësit e tij, për të cilët garantoi se nuk kanë pasur lidhje me ngjarjet e 21 Janarit. Ai shtoi se është krenar për shërbimin në Gardë dhe kritikoi kundërshtarët politikë për akuzat, duke kërkuar që çështja e 21 Janarit t’i lihet drejtësisë për të nxjerrë të vërtetën./Versus.al
View this post on Instagram
