Observatori Sirian për të Drejtat e Njeriut njoftoi mbrëmjen e sotme se rebelët kishin hyrë në qytetin strategjik të Homsit, i vendosur në Sirinë qendrore, në veri të Damaskut, ku kishin marrë nën kontroll disa rrethe.
“Grupet rebele hynë në qytetin e Homsit dhe morën kontrollin e disa zonave, pas tërheqjes së forcave të sigurisë dhe ushtrisë nga pozicionet e tyre të fundit në qytet”, tha Rami Abdel Rahman, drejtori i kësaj organizate joqeveritare e cila ka bazën. në Britani, por ka një rrjet të madh burimesh në Siri.
Dhjetra luftëtarë nga forcat elitare Radwan të Hezbollahut të Libanit janë larguar nga qyteti sirian i Homsit pasi ata dhe ushtria siriane vendosën se nuk mund ta mbronin më qytetin, tha një oficer i ushtrisë siriane për Reuters.
Komandanti rebel sirian Hassan Abdul Ghani tha këtë mbrëmje se forcat rebele kanë filluar të hyjnë në qytetin strategjik të Homsit.
Rebelët sirianë pushtuan sot burgun qendror të Homsit dhe liruan qindra të burgosur, thanë dy burime rebele.
Një burim tjetër rebel tha se luftëtarët filluan të shtyheshin më thellë pasi depërtuan mbrojtjen e ushtrisë nga porta lindore e qytetit.
Rebel Forces have captured the Central Prison in the City of Homs, freeing Hundreds of Political Prisoners held there by the Assad Regime. pic.twitter.com/DsOhVE6Zva
— OSINTdefender (@sentdefender) December 7, 2024
Personeli i sigurisë nga selia e Drejtorisë së Sigurisë në qytetin sirian të Homsit u largua me motoçikleta sot, thanë banorët për Reuters.
