Pa rrjete sociale sot “je i vdekur”.
Fuqinë e tyre e ka kuptuar më së miri jo vetëm bota e shoëbizz, e ndikuesve, artistëve e sipërmarrësve, por edhe politika.
Sot gjen në Facebook, INSTA, X apo edhe në Tik Tok politikanë të lartë botërorë, ish-presidentë e presidentë, kryeministra e ministra etj .
Fuqia e tyre mbetet e dukshme dhe në vendin tonë, ku kryeministri Rama numëron 1.6 milion ndjekës vetëm në Facebook, me 606 mijë ndjekës në Instagram, në ish-Twitter, sot rrjeti social X Rama ka 419 mijë ndjekës dhe me plot 134 mijë ndjekës në Tik Tok dhe diç më pak ka në kanalin e tij në Youtube, ku numëron mbi 53 mijë ndjekës.
Pra, gati 2 milion e 800 mijë persona ndjekin kryeministrin në rrjetet e tij sociale.
Por le të rrimë vetëm tek Facebook, rrjeti social disi më tradicional, aty ku dhe politika shqiptare drejton më së shumti mesazhet.
Pas Ramës, a e keni menduar ndonjëherë se sandjekës mund të kenë në këtë rrjet social dhe kabineti i tij qeveritar.
Ministrja e Arsimit, e cila deri para pak kohësh ishte dhe në krye të ministrisë së Shëndetësisë, Ogerta Manastirliu numëron më shumë ndjekës në rrjetin social Facebook, plot 123 mijë ndjekës.
Më pas vjen Taulant Balla, ministër i Shtetit për Marrëdhëniet me Parlamentin, liston në Facebook plot 118 mijë ndjekës.
I ndjekur nga zv.kryeminsitrja Belinda Balluku me 52 mijë ndjekës
Ministret Anila Denaj dhe Mirela Kumbaro, të cilat prej vitesh janë pjesë e kabinetit, kanë përkatësisht 42 dhe 38 mijë ndjekës në Facebook.
Miinistrit të Drejtësisë, Ulsi Manja, 22 mijë ndjekësve.
Ndërkohë, ministra të tjerë të kabinetit Rama kanë nën 10 mijë ndjekës dhe më poshtë mund të gjeni numrin e saktë, po ajo çka bien në sy janë tre emra në kabinet.
Ministrja e Shtetit dhe kryenegociatore, Majlinda Dhuka, e cila çuditërisht nuk gjendet në rrjete sociale, profili i ministrit të ri të Financave Petrit Malaj që numëron vetëm 498 ndjekës si dhe profili i ministres së Shtetit për Administratën Publike dhe Antikorrupsion, Adea Pirdeni me 653 ndjekës
Më poshtë do të gjeni listën e plotë të numrit të ndjekësve që disponojnë secili nga ministrat në rrjetin social Facebook:
Kryeministri Edi Rama-1.6 milionë ndjekës
Zëvëndëskryeminstrja dhe ministrja e Infrastrukturës dhe Energjisë Belinda Balluku- 52 mijë ndjekës
Ministri i Drejtësisë, Ulsi Manja -22 mijë ndjekës
Ministri i Jashtëm, Igli Hasani- 9.8 mijë ndjekës
Ministri i Mbrotjes, Pirro Vëngu - 5.7 mijë ndjekës
Ministri i Brendshëm, Ervin Hoxha- 1.3 mijë ndjekës
Ministër i Financave, Petrit Malaj- 498 ndjekës
Ministrja e Arsimit, Ogerta Manastirliu- 123 mijë ndjekës
Ministrja e Shëndetësisë, Albana Koçiu- 10 mijë ndjekës
Ministri i Ekonomisë, Kultures dhe Inovacionit, Blendi Gonxhe - 11 mijë ndjekës
Ministrja e Turizimit dhe e Mjedisit, Mirela Kumbaro - 38 mijë ndjekës
Ministrja e Bujqësisë dhe Zhvillimit Rural, Anila Denaj - 42 mijë ndjekës
Ministrja për Sipërmarrje dhe Klimën e Biznesit, Delina Ibrahimaj 8.6 mijë ndjekës
Ministri i Shtetit për Marrëdhëniet me Parlamentin, Taulant Balla -118 mijë ndjekës
Ministrja e Shtetit për Administratën Publike dhe Antikorrupsion, Adea Pirdeni- -652 ndjekës
Ministrja e Shteti dhe kryenegociatore, Majlinda Dhuka nuk gjendet në rrjete sociale një profil i saj
Ministri i Shtetit për Pushtetin vendor, Arbjan Mazniku - 2.7 mijë ndjekës
Ministrja e Shtetit për Rininë dhe Fëmijët, Bora Muzhaqi -13 mijë ndjekës
