Euxhenio Manushi, 20 vjeçari i arrestuar ditë më parë për shpërndarje kokaine në Tiranë, rezulton të ketë qenë edhe pjesë e një grupi që merrej me trafikun e armëve nga Kosova në Shqipëri.
Mes 6 personave të arrestuar në Shqipëri për veprimtarinë kriminale ku u sekuestruan 22 armë zjarri, rezulton edhe emri i të riut që iu vunë prangat së bashku me Klajdi Serjanin, nipin e Pajtim Serjanit të dënuar më parë për gjobëvënie.
Të rinjtë u kapën me 1 kg kokainë në makinë e cila nëse do të shitej në treg, kapte vlerën e 270 mijë eurove. Manushi rezulton të jetë djali i klarinetistit të famshëm Adriano Manushi, i njohur ndryshe si “Ad Sybardhi”.
Ditën e djeshme gjykata caktoi “arrest me burg’ për Manushin dhe Serjanin të cilët deklaruan se kokainën e kishin për përdorim vetjak dhe jo për ta shitur. Versus.al
