Spitali Universitar i Traumës ka dal në një njoftim zyrtar në lidhje me gjendjne shndetësore të 14 vjeçarit Luis.M i plagosur me thikë në ngjarjen e rëndë të ndodhur javë më parë në shkollën 'Fan Noli'.
Në njoftimin e saj Spitali shkruan gjenja e tij shëndetësore e të miturit është përmisuar ndjeshëm dhe pacienti ka filluar trajtimin fizioterapik, i cili është në vijim dhe ka dhënë rezultate pozitive.
Duke qënë se gjendja e tij shëndetësore paraqitet e mirë dhe deri më tani nuk ka pasur asnjë komplikacion shkruan në njoftimin e tij Spitali Universitar, nuk shihet e arsyeshme që kërkojë ndihmë jashtë mundësive të ofruara nga Spitali Universitar i Traumës.
Njoftimi i Spitalit Universitar i Traumës
Informacion për interesin publik, nisur nga aludimet për mungesën e shërbimit ndaj pacientit 14 vjeçar i plagosur pranë Shkollës “Fan Noli”:
Në lidhje me rastin e pacientit 14- vjeçar i cili ka mbërritur në Spitalin Universitar të Traumës më 18 nëntor, dëshirojmë të bëjmë me dije se ekipi mjekësor i Pranim Urgjencës i ka dhënë pacientit shërbimin mjekësor të nevojshëm dhe pas stabilizimit të gjendjes fillestare ai është shtruar për të vazhduar trajtimin në pavionin e Kirurgjisë së Përgjithshme.
Përveç kujdesit mjekësor intensiv, pacienti ka marrë edhe mbështetje psikologjike nga psikologët. Gjatë qëndrimit në spital, ndaj 14- vjeçarit janë ndjekur të gjitha protokollet mjekësore për trajtimin fizik dhe psikologjik, dhe gjendja e tij është përmirësuar ndjeshëm.
Në momentin që ka qenë i nevojshëm dhe i mundur, pacienti ka filluar trajtimin fizioterapik, i cili është në vijim dhe ka dhënë rezultate pozitive. Aktualisht, gjendja e pacientit paraqitet e mirë dhe deri tani nuk ka pasur asnjë komplikacion që të kërkojë ndihmë jashtë mundësive të ofruara nga Spitali Universitar i Traumës.
Mirënjohje për ekipin mjekësor dhe të gjithë specialistët që po ndihmojnë në përmirësimin e gjendjes së pacientit dhe sigurojmë publikun që Spitali Universitar i Traumës vazhdon të ofrojë kujdes mjekësor të specializuar dhe gjithëpërfshirës për të gjithë pacientët.
Ditën e djeshme i mituri Luis.M ka hapur një ‘Gofund’ në emrin e tij ku tregon se është goditur katër herë më thikë në stomak, shpinë dhe mushkëri në sherrin ku thotë se e kanë sulmuar 2 bashkëmoshatarë të tij dhe kërkon ndihmë pasi prindërit e tij janë të varfër dhe nuk paguajnë dot spitalin, psikologun, fizioterapistin. /Versus.al
