Korçë- Gjykata ka caktuar masën e sigurisë “arrest me burg” për 45 vjeçarin Aleks Ago i cili akuzohet se ka ngacmuar seksualisht një 15 vjeçar në fshatin Poloskë të Devollit.
Mbrojtja e tij në seancë gjyqësore ka qenë pretendimi se ishte përpjekur ta ndihmonte të miturin duke thënë se kanë njohje të largëta familjare dhe se e dinte që i ati i kishte ndërruar jetë.
Sipas Agos, qëllimi i tij ka qenë ta ndihmonte të miturin me ushqime apo lekë. Por krejt ndryshe ka qenë pretendimi i 15 vjeçarit i cili në prani të nënës së tij dhe psikologut ka denoncuar në polici 45 vjeçarin duke thënë se ky i fundit i kishte prekur në pjesë të ndryshme të trupit duke i kërkuar marrëdhëie seksuale.
I mituri ka rrëfyer se kjo ka qenë hera e tretë që Ago ka tentuar ta tërheqë pranë vetes duke i ofruar para në këmbim të marrëdhënieve seksuale.
45 vjeçari nga fshati Kuç i bashkisë Devoll, është i martuar dhe prind i tre fëmijëve. Versus.al
