Në bashkëpunim me Eurojust dhe Europol i shpalluri në kërkim nga SPAK, Ismail Zeneli është ekstraduar sot drejt Shqipërisë.
Ismail Zeneli nga përgjimet e SKY, del se vepronte në të njejtin grup kriminal me Ervin Matës, ish-zv, drejtorin e policisë, Erzen Breçanin dhe djalin e tij Eralbi Breçani.
Ismail Zeneli i cili njohet dhe me emrin Luan Sadria në rrjetin social ‘Sky’ përdorte tre nofka: “Dajo”, “Dajloki” dhe “Transporter”
Ai u arrestua në Spanjë më 27 nëntor të vitit të kaluar me urdhër të SPAK.
Sipas dosjes hetimore Zeneli donte të vriste dy vëllezërit Edmond dhe Albert Nela pasi dyshohet se i kishin vrarë të vëllanë në sy të tij, krim që kishte ndodhur në Britaninë e Madhe.
Grupi kriminal dërgonte foto të tyre si dhe të banesës ku ata jetonin me qëllim ekzekutimin e planit ndërsa një ndihmesë për të kryer këtë krim kanë dhënë sipas SPAK edhe dy punonjësit e policisë të arrestuar Dedan Gjoni shefi i krimeve te komisariatit 6 dhe Jonida Babameto.
Gjithashtu Zeneli ka pasur në grup rolin e porositësit dhe financuesit për blerjen e lëndës narkotike në Brazil.
Ai bënte të mundur nxjerrjen e lëndës narkotike nga porti i Valencias në momentin kur ajo arrin në këtë port e transportuar me kontenier.
Lëvizja e kokainës bëhej nga Amerika e Jugut nëpërmjet kontejnerëve frigoriferikë të cilët transportonin mish ose lëng limoni të koncentruar.
Vendimmarrje në këtë iniciativë kishte Ismail Zeneli, të cilin Eralb Breçani dhe të tjerët e respektonin për shkak të eksperiencës që kishte në trafikun e drogës./Versus.al
