Elbasan- Në fshatin Pajovë të Peqinit qindra banorë janë ngritur në protestë për ngjarjen e rëndë të ndodhur pak ditë më parë ku si pasojë e një aksidenti rrugor humbi jetën një vogëlush 8 vjeçar.
Me foton e këtij të fundit në duar edhe fëmijë të tjerë të vegjël kanë qenë në protestë. Banorët kërkojnë që autoritetet të marrin masa për mbrojtjen e tyre duke vendosur kufizues shpejtësie. Një ndër kërkesat ka qenë edhe prania e policëve në hyrje të fshatit.
“Kemi frikë të ecim në rrugë”- shprehen fëmijët.
“Mbroni jetën e fëmijëve”, “Kufizues bordure në rrugë”, “Na siguroni jetën”, “Të merren masa për kufizimin e shpejtësisë”- shkruhej në disa prej pankartave që mbanin në duar qindra protestues të mbledhur.
Historia e aksidentit tragjik që i mori jetën vogëlushit Enio Tabaku, ngjalli dhe më shumë zemërim pas u mësua se i mituri kishte blerë lule për t'i vendosur tek varri i nënës që i kishte ndërruar jetë pak kohë më parë. Versus.al
