Një zjarr ka rënë pasditen e kësaj të mërkure në kodrat pranë fshatit Selishtë, në njësinë administrative Cakran të Fierit.
Flakët kanë përfshirë një sipërfaqe të konsiderueshme me ullishte, pemë dhe shkurre, ndërsa era e fortë ka favorizuar përhapjen e zjarrit dhe ka vështirësuar ndërhyrjen e ekipeve në terren.
Tre mjete zjarrfikëse janë angazhuar për shuarjen e flakëve dhe izolimin e vatrës, ndërsa puna vijon për të parandaluar përhapjen e mëtejshme të zjarrit.
Ende nuk dihen shkaqet e rënies së zjarrit. Autoritetet kanë nisur verifikimet për zbardhjen e rrethanave dhe po hetojnë edhe mundësinë e një zjarrvënieje të qëllimshme./Versus.al
Poll
