Një i paraburgosur 49-vjeçar i identifikuar si Aurrel Sabriu ka ndërruar jetë ditën e sotme në Reaniminacionin e QSUT-së, pas një takimi që pati me të atin në ambientet e paraburgimit.
Gjatë takimit 49-vjeçari humbi ndjenjat dhe u dërgua menjëherë në spitalin rajonal të Korçës ku me rekomandim të mjekëve u transferua për në QSUT për shkak të problemeve të rënda kardiake.
I paraburgosuri Aurrel Sabriu, i lindur në Maliq, ishte arrestuar në maj të këtij viti për dhunë në familje dhe ishte transferuar në IEVP Korçë më datë 25.05.2024 nga Komisariati i Policisë Korçë.
Njoftimi i Policisë
I paraburgosuri Aurrel Sabriu ka ndërruar jetë sot, më datë 04.09.2024, rreth orës 10:30, në Reanimacionin Qendror të QSUT-së.
Shtetasi i paraburgosur ishte shoqëruar në Spitalin Rajonal Korçë, pasi humbi ndjenjat në dhomën e tij pas takimit me të atin.
Me rekomandim të mjekëve të spitalit, ai u transferua dhe u shtrua në Reanimacionin Qendror në QSUT për shkak të problemeve kardiake.
Institucioni i Ekzekutimit të Vendimeve Penale Korçë ka ndërmarrë të gjitha masat e nevojshme për njoftimin e Prokurorisë, Komisariatit të Policisë Nr. 4 Tiranë, si dhe Specialistit të Shërbimit për Çështjet e Brendshme dhe Ankesat (SHKBSB).
I paraburgosuri Aurrel Sabriu, i lindur më 29.08.1975 në Maliq, ishte arrestuar më 22.05.2024 për dhunë në familje dhe ishte transferuar në IEVP Korçë më datë 25.05.2024 nga Komisariati i Policisë Korçë./ Versus.al
