Ervin alias Andrew Bode, i arrestuar dy ditë më parë si autori i dyshuar i vrasjes së Edmond Papës në dhjetor të 2022-it, ka dalë sot para gjykatës së Tiranës ku u la në fuqi masa e "arrestit me burg" ndaj tij.
Në daljen e tij në kafazin e qelqtë, Bode është përpjekur të fshihet nga kamerat, por gjithsesi Versus.al ka siguruar momentin e tij kur në cepin e kafazit të qelqit ka deklaruar se nuk ka asnjë lidhje me vrasjen e Edmond Papës.
"S'kam lidhje me vrasjen e Edmond Papës. Nuk u dorëzova sepse nuk kam besim te policia, do bëj kallëzim për të"- u shpreh Bode mes të tjerash.
Bode dyshohet se e kreu vrasjen e Edmond Papës në dhjetor të 2022-it në Tiranë si hakmarrje për shpërthimin me ekploziv pranë TEG-ut ku mbeti i vdekur Aleksandër Sadikaj.
Së bashku me Boden u arrestua edhe Andrea Kalemi, kushëriri i Aleksandër Sadikajt. Kalemit iu gjet në banesën e tij në Memaliaj municion luftarak dhe dyshohej se po përgatitej për t’u hakmarrë për vrasjen e babait të tij Shqyo Kalemi të ndodhur në korrik të këtij viti.
Në pranga ra edhe Julian Kalemi, babai i të cilit mbeti i plagosur në atentatin ku u vra Shyqo Kalemi në korrik. Juliani strehonte të shpallurin në kërkim Ervin Bode, ndërsa në banesë iu gjetën edhe armë e municion luftarak. Versus.al
