Drejtori i Përgjithshëm i Policisë së Shtetit, Ilir Proda ka dhënë urdhër në Departamentin për Shërbimet Mbështetëse në DPPSH që të gjitha njësitë buxhetore të kalojnë në thesar pagesat e prapambetura të efektivëve të policisë.
Në rast të kundërt, çdo vonese i ngarkon këto institucione me përgjegjësi.
Bëhet fjalë për orët suplementare, orët e natës, dietat e prapambetura, lekët e ushqimit, e çdo pagesë të prapambetur. Nga të gjitha njësitë buxhetore prej mëngjesit të sotëm po kryhen veprimet me Thesarin, për të kaluar pagesat. Është 1.5 miliardë lekë shuma që ka kaluar me Akt Normativ.
Gjithashtu ditën e sotme pritet të akordohet shpërblimi i fundvitit për të 8 mijë punonjës policie me shuma që variojnë deri në 150 mijë lekë. Kujtojmë që deri më tani, efektivët ende nuk kanë marrë pagën e orëve shtesë të punës. Versus.al
