Seanca gjyqësore ndaj portugezit Ruben Saraiva të arrestuar për vrasjen e biznesmenit Ardian Nikulaj në Shëngjin, është shtyrë për në datën 16 tetor.
Sipas avokatit të tij, Kujtim Cakrani, prokuroria nuk ka ecur me çështjen dhe provat e paraqitura me pretendimin se Saraiva ka qenë qitësi në prill të 2023-it, nuk janë të mjaftueshme për ta përfshirë atë në këtë çështje.
Ndërkohë, portugezi vijon të mbajë të njëjtin qëndrim para hetuesve lidhur me këtë çështje ndërsa shprehet i gatshëm për të agumentuar çdo dyshim të drejtësisë shqiptare.
“Sot ishim këtu për zëvendësimin e masës së sigurisë dhe raportin 2 mujor që prokurori duhet t’ia paraqiste gjykatës. Prokuroria nuk ka ecur me hetimet. Kërkova sot ndryshimin e masës së sigurisë sepse nuk ka asnjë provë që të vërtetojë se ky person ka kryer veprën penale për të cilën hetohet, sepse e jemi në fazë hetimesh jo akuze”, shprehet avokati.
Saraiva akuzohet si personi që hyri i maskuar në lokalin e Nikulajt dhe e ekzekutoi atë duke qëlluar disa herë me pistoletë. Ndërsa së fundmi është vendour ekstradimi i Edmond Xhaxhisë nga Anglia pasi dyshohet se ai ka bërë organizimin dhe financimin e planit, duke përdorur edhe 4 shtetas britanikë të tjerë, 3 prej të cilëve do të ekstradohen së bashku me të drejt Shqipërisë. Versus.al
