Adriatik Lapaj ka bërë të ditur se sot, në orën 12:00, do të zhvillohet një protestë përpara Kryeministrisë.
Në lidhje me tubimin, Policia e Shtetit ka njoftuar se nga ora 11:00 dhe deri në përfundim të protestës do të ketë kufizime të pjesshme të qarkullimit në Bulevardin “Dëshmorët e Kombit”, konkretisht në segmentin nga Ura e Dajtit deri në kryqëzimin me rrugën “Ismail Qemali”.
Policia e Tiranës u bën thirrje qytetarëve që të shmangin lëvizjen me automjete në këto akse dhe të përdorin rrugë alternative, për të evituar vonesat në trafik dhe për të garantuar mbarëvajtjen e protestës.
Njoftimi i Policisë:
Në bazë dhe në zbatim të ligjit “Për tubimet”, Policia e Tiranës ka ndërmarrë të gjitha masat e nevojshme për garantimin e rendit publik dhe mbarëvajtjen e tubimit që do të zhvillohet ditën e sotme, në orën 12:00.
Në këtë kuadër, do të ketë kufizime të lëvizjes, Konkretisht:
-nga ora 11:00 deri në përfundim të tubimit, do të ketë bllokime të pjesshme të qarkullimit në Bulevardin “Dëshmorët e Kombit”, në segmentin nga Ura e Dajtit deri te kryqëzimi me rrugën “Ismail Qemali”.
Në varësi të zhvillimit të tubimit, mund të ketë kufizime të qarkullimit të automjeteve edhe në akse të tjera rrugore.
Policia e Tiranës apelon qytetarët të shmangin lëvizjen me automjete në akset që do të bllokohen dhe të përdorin rrugë alternative, me qëllim shmangien e pengesave në qarkullim dhe garantimin e lëvizjes së lirë të pjesëmarrësve në tubim./ Versus.al
