Në tregun shqiptar janë shitur akullore të kontaminuar me okside etileni, një subtancë shumë e rrezikshme për njeriun që mund të shkaktojë kancer, luecemi dhe probleme me riprodhimin.
Kjo u bë e ditur nga kreu i Kontrollit të Lartë të Shtetit (KLSH), Arben Shehu gjatë raportimit në Komisionin e Ekonomisë dhe Financave.
Teksa fliste për skandalin tek Onkologjiku, Shehu u shpreh se situate aty është vetëm pika fundore e përgjegjësi dhe se duhen analizuar shkaqet që kanë shkaktuar rritjen e tumoreve në vend.
“Në vazhdimësi do donimin të kishim një mundësi për të bashkëpunuar. Nuk kërkohet vetëm mbështetje për punën por për arritjen e objektivave, dhe për zgjidhjen e problematikave që ne i kemi hasur në punën tonë. Siç përmendim situatën në Shëndetësi, siç është ai i Onkologjikut, është një niveli maksimal i lartë i riskut që kërkohet përgjegjësi e stafit të KLSH por edhe e institucionit që e monitoron spitalin. Kërkohet vëmendje shumë e madhe për zbatimin e rekomandimeve që ne kemi dhënë për shëndetësisë, do kërkojmë një analizë. Ne vlerësojmë se situata në onkologjik është pika fundore e përgjegjësisë. Duhet të ketë një analizë për faktorët që kanë ndikuar në rritjen e të sëmurëve me sëmundje tumorale”, tha Shehu.
Shehu zbuloi se në Shqipëri janë shitur akullore të kontaminuara me Oksid Etileni që shkaktojnë kancer, leucemi dhe ndikojnë në aftësinë riprodhuese tek meshkujt.
“Në 27.7.2021, u zbuluan markat e akullore, Oksid Etileni në akulloret e prodhuar në Francë, u zbulua nga Spanja që më pas ka njoftuar në sistemin ras 47 shtete, për komantimin e akullores me Oksid otileni në disa akullore. Me pas në 30/7/2021 ka ardhur email, drejtuesit e AKU për këtë gjë. AKU, është njoftuar menjëherë dhe duhet të merrte masa për të ndaluar qarkullimin e akulloreve të kontaminuara. Oksidi Etileni shkakton kancer, leucemi, ndikon në aftësinë riprodhuese tek meshkujt. AKU nuk kreu asnjë veprim, nuk e bllokoi këtë produkt. Nuk është i rëndësishëm vetëm zbatimi i rekomandimeve tona, por të vendoset në vëmendjen tuaj si në rastin konkret, duhet të ngrini grupe pune për analiza kryesisht për situatën në shëndetësi, për analizën e rritjen e të sëmundjeve tumorale në shëndetësi”, tha ai.
KLSH për këtë skandal ka paditur në prokurori ish-kreun e AKU-së Bledar Skenderi por hetimet për këtë çështje Prokuroria e Tiranës e ka pushuar. Tashmë çështja e hetimit ndodhet në Apel./Versus
