Tiranë- Tre persona janë vënë në prangat e policisë pas kontrolleve të ushtruara pasditen e sotme në 30 qendra estetike ku dyshohej se kishte mallra kontrabandë.
Gjatë kontrolleve u konstatuan sasi të mëdha botoxi që ishte futur pa faturë dhe u shitej klientëve kontrabandë duke shkaktuar dëm për buxhetin e shtetit. Si pasojë e këtyre mallrave kontrabandë të gjetur, policia ka arrestuar 3 personave, mes të cilëve bëhet me dije emri i Milton Kumarakut.
Ndërsa janë shpallur në kërkim 2 persona, ndërkohë që për 6 të tjerë ka nisur hetimi në gjendje të lirë.
Operacioni u krye nga agjentë të krimit ekonomik në qendrat estetike të cilat kanë lulëzuar gjithnjë e më shumë në Tiranë. Mallrat kontrabandë të gjetura janë sekuestruar nga prokuroria në cilësinë e provës materiale. Versus.al
