Ish-deputetja e PS, Ledi Shamku ka denoncuar arrestimet e sotme në protestën para Kuvendit, ku mes personave të shoqëruar janë dhe dy mikeshat e saj, studiuesja e huaj Carrie Ann Morgan dhe ilustratorja Elsa Paja.
Në një reagim në rrjetet sociale, Shamku thotë se mikeshat e saj janë artiste me shpirt të lirë që protestojnë për mbrojtjen e Vjosës dhe Nartës.
Në fund ajo thotë se slogani më i gjetur i kësaj proteste është: ‘Po ti, nga cila anë e gardhit je?’ “Shihemi për pak në Komisariatin nr. 3, ku mbahen të arrestuara Carrie dhe Elsa!”, shkruan ajo.
Mesazhi
‘‘Carrie Ann Morgan, antropologe gjuhësore, kolegia ime, studiuese dhe shpirt i lirë, u arrestua sot gjatë protestës. Elsa Paja, artiste, ilustratore, mikja ime, një shpirt po aq i bukur sa vetë Vjosa-Narta që ajo mbron, u arrestua sot.
Mendoj se nga sot, slogani më i gjetur i kësaj proteste është: ‘Po ti, nga cila anë e gardhit je?’ Shihemi për pak në Komisariatin nr. 3, ku mbahen të arrestuara Carrie dhe Elsa!”, shkruan ajo./Versus.al
