Hakerat iranianë të “Homeland Justice” janë rikthyer vrullshëm në aksion dy ditët e fundit. Sot kanë publikuar listë tjetër me të dhënat e rreth 66 mijë qytetarëve shqiptarë të cilëve u janë publikuar pasaportat numrat e kartës së identitetit si dhe numrat e telefonit të secilit prej tyre.
Në dokumentin me 1366 faqe të publikuar ditën e sotme në “Telegram”, hakerat shkruajnë: "Kushdo që shtyp një të varfër fyen Krijuesin e tij, por ai që është bujar ndaj nevojtarit e nderon atë."
Më herët, hakerat kanë publikuar të dhënat e kreut të SHISH, Helidon Bendo, të dhënat personale dhe udhëtimet jashtë vendit të kryeministrit, emailet e ish drejtorit të Policisë së Shtetit, Gledis Nano, të dhënat personale të qytetarëve, numrat e telefonit, targat dhe llojet e automjeteve që posedojnë, dokumente dhe eamile të administratës publike, etj.
Më 10 shtator 2022, Shqipëria u përballë me sulmin e dytë kibernetik, kësaj herë ishte sistemi TIMS, pas sulmit të shërbimeve online qeveritare dhe e-Albania. Versus.al
