Gjykata e Tiranës ka lënë sot në burg 20 nga 22 personat e arrestuar 2 ditë më parë në kuadër të goditjes së një grupi që shpërndante drogë në kryeqytet.
Masa “arrest në burg” u konfirmua për Renaldo Dalipi, Engelbert Pjetri, Armandi Hajdini, Olsi Mici, Fatjon Cela (Çela), Xhon Boci, Laert Murataj, Artan Pullazi, Erald Sina, Gentjan Vercani, Valerjos Bushi, Dylber Alijaj, Angjelos Mema, Jurgen Hekurani, Erdison Gjella, Abdurahman Bollati, Klodian Rrucaj, Indri Nakaj dhe Genti Kraja.
Masa e sigurisë është zbutur për Blerim Malin nga “arrest në burg” në “arrest në shtëpi”, ndërsa për Majdi Musën në detyrim paraqitje.
Shpërndarja e drogës bëhej në disa raste me taksi, por edhe me motoçikleta të picave. Me taksi lëvizte Olsi Mici, ndërsa me motoçikletë të shpërndarjes së picave, i loguar me nje brand ndërkombëtar, ishte Erdison Gjella. Në mesin e të arrestuarve është edhe një ish-ushtarak, Dylber Alijaj.
Gjatë operacionit u sekuestruan rreth 500 gramë lëndë e dyshuar narkotike kokainë; 10 kg Cannabis Sativa dhe 100 doza të kësaj lënde; 5 automjete, 28 celularë, 6 peshore elektronike; 3 000 euro.
Sipas policisë, aktiviteti kriminal shtrihej në disa zona të Tiranës, kryesisht në Bllok, Kamëz, Laprakë, Selitë, Tiranë e Re, Shkozë, Ali Demi, Xhamllik, Pazari i Ri, Shkolla e Kuqe, Astir, Myslym Shyri dhe Komuna e Parisit. Lëndët narkotike shiteshin në lokale, tabakino, mjete taksi, si dhe të kamufluara si shpërndarje porosish.
