Prokurorja e Tiranës Ornela Rrumbullaku u shkarkua sot nga Këshilli i Pavarur i Kualifikimit për shkak të bilencave negative të bashkëshortit të saj në aksionet që kishte në disa kompani private.
Rrumbullaku i kundërshtoi gjetjet duke thënë se bashkëshorti i saj nuk i kishte investuar me ato para por ishte dakordësuar me ortakët e tij që të kontribuonte në kompani me konsulencë juridike.
Sa i takon pastërtisë së figurës, prokurorja u vlerësua pozitivisht. Në dalje të sallës prokurorja u pa teksa shpërtheu në lot nga vendimi i KPK që gjeti shkelje tek pasuria e bashkëshortit të saj.
Ornela Rrumbullaku përfundoi studimet e Magjistraturës në vitin 2006 dhe pas një periudhe stazhi në Prokurorinë e Tiranës, u emërua në Prokurorinë e Rrethit Kavajë.
Në vitin 2019, Rrumbullaku u komandua si këshilltare pranë Këshillit të Lartë të Prokurorisë. Deri në momentin e shkarkimit nga detyra ajo e ushtron funksionin në Prokurorinë e Juridiksionit të Përgjithshëm në Tiranë. Versus.al
