Trupi i 12 vjeçari L.S i cili humbi jetën më 8 janar të këtij viti në spitalin e Traumës, është zhvarrosur mëngjesin e sotëm.
Mësohet se zhvarrosja e trupit të pajetë që prehej në varrezat e Maliqit, është bërë nga ekspertë të institutit të mjekësisë ligjore dhe prokurorë të Tiranës që po hetojnë rastin.
Nga trupi i të miturit do të merren mostra të cilat do të dërgohen për ekspertim në institutin e mjekësisë ligjore për të zbuluar shkakun e vërtetë të vdekjes. Mjekët e QSUT dolën në përfundimin se i mituri ndërroi jetë si pasojë e miokardit akut ndërsa familjarët e 12 vjeçarit ngritën pretendime për neglizhencë nga ana e stafit mjekësor. Versus.al
Poll
