Spartak Çela, 39 vjeç u arrestua ditën e sotme në banesën e tij pasi ishte shpallur në kërkim nga policia që prej vitit 2020 për 4 vepra të ndryshme penale.
Ky është momenti kur Çela arrestohet nga efektivët e policisë brenda shtëpisë së tij pasi kishte informata se 39 vjeçari sapo kishte mbërritur në banesë.
I arrestuari konsiderohet nga policia si person me rrezikshmëri të lartë shoqërore. Në 2020-ën, ai qëlloi me kallashnikov jashtë lokali në fshatin Buzaishtë të Pogradecit kundrejt 4 personave, duke lënë të plagosur njërin prej tyre.
Ndërsa në prill të këtij viti, është konfliktuar me një 51 vjeçar të cilit nën kërcënimin e armës pistoletë, ka tentuar t’i marrë dy celularët dhe një orë dore. Po në të njëjtin muaj, Çela u raportua se pati një përplasje me punonjësit e “Task Force” që kishin shkuar për të verifikuar familjet me nevojë për ndihmë ekonomike në fshatin ku i shumëkërkuar kishte banesën.
Materialet proceduriale i kaluan Prokurorisë pranë Gjykatës së Parë të Juridiksionit të Përgjithshëm Korçë. Versus.al
