Detaje të reja janë zbardhur nga ngjarja e rëndë e ndodhur mbrëmjen e 6 prillit, kur 43 vjeçari Vladimir Topjana u vra me armë zjarri nga Rogert Shota pranë parkingut të një lokali në Itali.
Sipas mediave italiane dyshohet se shkak për vrasjen janë bërë konfliktet e pronësisë. Viktima ndodhej në një lokal ku kishte parë ndeshjen Roma-Juventus së bashku me djalin e tij 17 vjeçar. Pas ndeshjes, teksa fliste me një të afërm në parkingun e makinave, një makinë e bardhë mbërriti në vendngjarje dhe peersonat që ndodheshin brenda nisën të debatonin me 43 vjecarin.
Papritmas nga makina doli 34 vjeçari Rogert Shota, i cili nxori armën me të cilën e qëlloi 43 vjeçarin tre herë në kokë duke e lënë të vdekur. Më pas u largua nga vendngjarja, por u kap nga policia. Në pranga ra edhe babai i tij Pren Shota. Ndërsa në makinë u gjet arma tip pistoletë Berreta e cila ishte vjedhur gushtin e kaluar në Ravena të Italisë. Viktima kishte disa ditë që sapo ishte kthyer nga vendlindja, Fushë Arrazi nga ku kishte emigruar për të punuar në Itali. Versus.al
