Rreth 6 pika Exhange në qarkunn e Beratit janë identifikuar se ushtronin aktivitetin pa licencat përkatëse.
Prokuroria e rrethit ka kërkuar ekzekutimin e 11 masave të sigurisë ndaj personave që administronin dhe punonin në subjekte financiare pa licencën përkatëse.
Konkretisht, për 4 prej të dyshuarve është caktuar masa e sigurisë "Arrest në shtëpi", ndërsa për 7 të tjerë është vendosur masa e sigurisë "Detyrim paraqitje" dhe "Ndalimi i daljes jashtë shtetit".
Hetimet kanë zbuluar se 6 subjekte për transferta parash, ishin të shtrira në qytetet e Beratit, Kuçovës, Skraparit dhe Dimalit.
Gjatë kontrolleve të ushtruara në këto biznese, policia ka sekuestruar një 8 808 000 lekë, 118 425 euro, 7390 dollarë amerikanë, 665 paund dhe 110 franga. Gjithashu edhe, 12 celularë, 4 DVR, 2 USB dhe 1 laptop.
Njoftimi i policisë
"DVP Berat/ Nga Seksioni për Hetimin e Krimeve ekonomiko-financiare, nën drejtimin e Prokurorisë Berat u ekzekutuan 11 masa sigurie.
4 masa sigurie "Arrest në shtëpi" dhe 7 masa sigurie "Detyrimi për t'u paraqitur në Policinë Gjyqësore" dhe "Ndalimi i daljes jashtë shtetit".Gjatë hetimeve ka rezultuar se në 6 subjekte për transferta parash, në Berat, Kuçovë, Skrapar dhe Dimal, të cilat administroheshin dhe kishin të punësuar këta shtetas, kryhej këmbim valutor, pa qenë pajisur me licencën e nevojshme sipas ligjit.
Nga kontrollet në këto subjekte, u gjetën dhe u sekuestruan me cilësinë e provës materiale: 8 808 000 lekë, 118 425 euro, 7390 dollarë amerikanë, 665 paunde, 110 franga, 12 celularë, 4 DVR, 2 USB dhe 1 laptop. Materialet procedurale iu referuan Prokurorisë së Beratit, për veprime të mëtejshme, për veprën penale “Ushtrimi pa licencë i veprimtarive financiare"., njofton Policia./Versus.al
