Kryeministrja daneze Mette Frederiksen tha se Presidenti i SHBA-së, Donald Trump, është serioz kur thotë se dëshiron të marrë kontrollin e Grenlandës dhe se si Danimarka ashtu edhe Groenlanda e kanë hedhur poshtë qartë këtë përpjekje.
“Fatkeqësisht, mendoj se presidenti amerikan duhet të merret seriozisht kur thotë se dëshiron Groenlandën”, tha Frederiksen për transmetuesin publik DR.
"E kam bërë absolutisht të qartë se cili është qëndrimi i Mbretërisë së Danimarkës dhe Groenlanda ka deklaruar vazhdimisht se nuk dëshiron të jetë pjesë e Shteteve të Bashkuara", shtoi më tej Frederiksen.
"Nëse Shtetet e Bashkuara sulmojnë një vend tjetër anëtar të NATO-s, atëherë gjithçka ndalet", deklaroi Frederiksen.
"Nuk mund të garantoj se çfarë do të bëjnë amerikanët, por mund të flas për atë që po bëjmë ne nga pala daneze dhe evropiane. Ekziston mbështetje e plotë nga Evropa që kufijtë duhet të respektohen", u shpreh Frederiksen.
