Ukraina do të ketë nevojë për forca të armatosura të forta dhe garanci sigurie pas arritjes së çdo marrëveshjeje paqeje me Rusinë, dhe Kievi nuk duhet të detyrohet të lëshojë territor, tha të martën kancelari gjerman Friedrich Merz .
Kancelari Merz, duke theksuar se interesat si evropiane ashtu edhe ato ukrainase janë në rrezik, tha se çështja e garancive po diskutohet me SHBA-në dhe Ukrainën.
“Ukraina ka nevojë për forca të armatosura të forta, edhe nëse arrihet një marrëveshje paqeje. Ukraina do të vazhdojë të ketë nevojë për forca të armatosura të forta dhe garanci të besueshme sigurie nga partnerët e saj ”, tha Merz në një konferencë për shtyp me homologun e tij estonez.
Garancia më e rëndësishme, tha ai, është një ushtri ukrainase e pajisur mirë.
“Kjo është arsyeja pse po diskutojmë madhësinë e ushtrisë ukrainase si një qëllim të ardhshëm”, theksoi Merz, duke shtuar se është shumë herët për të diskutuar vendosjen e trupave të huaja.
Vendet evropiane këmbëngulin që kufiri për Ukrainën duhet të jetë 800,000 ushtarë në vend të 600,000.
