I dyshuari kryesor për grabitjen e muzeut të Luvrit është i njohur për autoritetet franceze , me një precedent të gjatë penal dhe disa mijëra ndjekës në mediat sociale.
39-vjeçari Abdoulaye N. njihet me nofkën " Doudou Cross Bitume ".
Gjatë paraburgimit të tij, ai fillimisht heshti, para se të konfirmonte pjesëmarrjen e tij në grabitjen e 19 tetorit, raporton Le Parisien.
Kush është i dyshuari i kryesor?
Me origjinë nga Aubervilliers, ai është një adhurues i motorave , siç mund të shihet në videot që ai ngarkon në TikTok dhe Instagram me ushtrime motocross ose fitnesi në rrugë.
Në video të tjera, ai ndan daljet ose udhëtimet e tij me familjen.
Llogaria e tij në TikTok aktualisht ka rreth 9,000 abonentë.
View this post on Instagram
Por ai kishte edhe një jetë të paligjshme që nuk kishte kaluar pa u vënë re nga autoritetet.
39-vjeçari ka të paktën 15 precedentë penalë , për vepra penale që variojnë nga posedimi dhe trafikimi i drogës deri te shkeljet e trafikut dhe refuzimi për t'u bindur.
Në vitin 2014, ai e gjeti veten në qendër të një çështjeje serioze për herë të parë. Bëhej fjalë për grabitjen e një dyqani bizhuterish në Barbate, Paris, me një armë të rreme, nga e cila ai iku me një skuter. Në atë kohë, ai u dënua me tre vjet burg.
Pas lirimit të tij, Abdulai, tashmë i martuar duket se i ishte bindur, por kombinonte punë të ndryshme të rastësishme gjatë javës me aktivitete të paligjshme gjatë fundjavave .
Ai ka punuar në UPS, në dyqanin e lodrave Toys R Us dhe si roje sigurie në Qendrën Pompidou.
Kjo vazhdoi deri në vitin 2019, kur ai u arrestua për thyerje të një kasaforte në një parking , nw tw cilwn gjendeshin 18,000 euro.
Ai u lirua nga akuzat, por u ndoq penalisht për dëmtim, pasi theu bravën e qelisë së tij gjatë paraburgimit.
Ai tani dyshohet se është pjesë e një grupi prej katër persona që hynë me forcë në Galerinë Apollo në Luvër për të vjedhur bizhuteri.
ADN-ja e tij u gjet në një vitrinë të thyer dhe në objekte të lëna në vendin e krimit.
Pas arrestimit të tij më 25 tetor, ai po ndiqet penalisht për “vjedhje nga një bandë e organizuar ”, një krim i dënueshëm me 15 vjet burg dhe “bashkëpunim në një organizatë kriminale”./Versus.al
