SHBA- Manjatë të teknologjisë, politikanë amerikanë, liderë të huaj dhe madje edhe zyrtarë të medias janë rreshtuar tashmë para presidentit amerikan Donald Trump përpara kthimit të tij në Shtëpinë e Bardhë në janar.
"Në mandatin e parë, të gjithë po më luftonin. Në këtë mandat, të gjithë duan të jenë miqtë e mi," u tha Trump gazetarëve në resortin e tij luksoz Mar-a-Lago në Florida të hënën.
“Nuk e di, personaliteti im ka ndryshuar apo diçka tjetër”.
Në realitet, sipas mediave amerikane Trump ka treguar pak shenja të një ndryshimi të personalitetit por shumë nga ata që dikur e kritikuan atë, janë të etur për t'u afruar me një administratë që vlerëson besnikërinë mbi të gjitha.
"Për momentin, njerëzit po vlerësojnë se është më mirë të jesh në anën e tij të mire, por problem për ta është se ana e tij e mirë ndryshon shpesh”- i tha AFP Wendy Schiller, një profesore e shkencave politike në Universitetin Brown.
Meqë Trump e kalon pjesën më të madhe të kohës që nga zgjedhjet në Mar-a-Lago, u ka mbetur në dorë të tjerëve të bëjnë udhëtime drejt tij. Lista e atyre që e kanë bërë këtë duket edhe si një garë mes CEO-ve të industrisë globale të teknologjisë. Versus.al
