Të paktën tetë persona kanë vdekur në një zjarr të madh në një ndërtesë me zyra pranë Moskës, raporton agjencia shtetërore e lajmeve Tass.
Zyrtarët e urgjencës i thanë Tass se vetëm një person u shpëtua nga zjarri në ndërtesën e djegur në Fryazino, rreth 25 km në veri-lindje të kryeqytetit.
Dy persona vdiqën pasi u hodhën nga një dritare, ndërsa gjashtë të tjerët vdiqën kur pjesa e brendshme e zyrës u shemb nga flakët, tha një zyrtar lokal i shërbimeve të urgjencës.
Ndërtesa dikur strehonte “Institutin Kërkimor Platan” dhe industrinë e mbrojtjes.
Por në një deklaratë për agjencinë Tass nga Ruselectronics, një organizatë elektronike në pronësi ruse, tha se ndërtesa ka qenë në pronësi private që nga vitet 1990.
Zyrtarët e ministrisë së urgjencës thanë se mbi 100 specialistë dhe dy helikopterë po punonin për të shuar zjarrin.
Nuk dihet se çfarë e shkaktoi zjarrin, por një dëshmitar okular i tha Tass se ai shpërtheu në katin e gjashtë përpara se të përhapej në krejt godinën.
