Presidenti francez, Emanuel Macron ka paralajmëruar luftë civile në Francë nëse ndonjëra prej partive ekstremiste fiton zgjedhjet e ardhshme parlamentare. Në Francë duket se aktualisht, partia e ekstremit të djathtë “Fronti Kombëtar” dhe koalicioni i majtë “Fronti i Ri Popullor”, janë kryesues në sondazhet e zgjedhjeve parlamentare.
Macron than ë një podcast se ekstremi i djathtë ka marrë nga kaq shumë mbështetje sepse ka si politikë bazë frenimin e emigracionit.
“Mendoj se zgjidhjet e dhëna nga e djathta ekstreme janë jashtë diskutimit, sepse ajo po i kategorizon njerëzit në aspektin e fesë ose origjinës së tyre dhe kjo është arsyeja pse ajo çon në ndarje dhe në luftë civile,” tha ai në podcast.
Macron bëri të njëjtën kritikë ndaj partisë së majtë ekstreme La France Insoumise (LFI), e cila është pjesë e koalicionit të Frontit të Ri Popullor.
“Por edhe kjo, ka një luftë civile pas kësaj, sepse ju po i kategorizoni njerëzit vetëm në aspektin e këndvështrimit të tyre fetar ose komunitetit të cilit i përkasin, që në një farë mënyre është një mjet për të justifikuar izolimin e tyre nga komuniteti më i gjerë kombëtar, dhe në këtë rast, do të kishit një luftë civile me ata që nuk ndajnë të njëjtat vlera”, tha Macron.
Nga ana tjetër, kandidati i mundshëm për kryeministër nga ana e ekstremit të djathtë, Jordan Bardella tha se një president nuk duhet të thotë gjëra të tilla si Macron.
Udhëheqësi i France Unbowed Jean-Luc Mélenchon dënoi gjithashtu komentet e Macron në një intervistë për France 2 TV, duke thënë se ishin politikat e vetë Macron ato që po sillnin trazira civile, për shembull në territorin francez jashtë shtetit të Kaledonisë së Re. Versus.al
