Një sensacion ka shkaktuar dje në Parlamentin Europian, pak para nisjes së votimit për zgjedhjen e presidentit të Komisionit Europian , fjalimi i eurodeputetes polake të ekstremit të djathtë Ewa Zajaczowska , e cila sulmoi verbalisht Ursula von der Leyen duke i thënë asaj se me atë që ka bërë, pozicioni i saj është në burg dhe jo në Komision.
Në veçanti Zajacovska në fjalën e saj tha:
“Zonja Von der Leyen është koha që dikush t'ju tregojë drejtpërdrejt se çfarë mendojnë shumica dërrmuese e qytetarëve për ju. Ju jeni fytyra e Ligjit të Gjelbër Evropian, i cili shkatërron ekonominë evropiane dhe e kthen Evropën në një muze të hapur, që shkatërron bujqësinë dhe e çon Evropën në një moçal ekonomik.
Ju jeni fytyra e çmendurisë klimatike, e cila po na shtyn ne evropianët të bëhemi gjithnjë e më të varfër. Së fundi, ju jeni fytyra e ligjit të imigracionit dhe i drejtohem si gruaja gruas. Si mund të mos keni turp të promovoni diçka të tillë si Pakti i Emigracionit, i cili bën që miliona gra dhe fëmijë të ndihen të kërcënuar në qytetet e tyre? Ju jeni përgjegjës për çdo përdhunim, çdo sulm dhe çdo tragjedi të shkaktuar nga emigrantët e paligjshëm, sepse jeni ju që i ftoni këta njerëz në Evropë. Dhe për atë që keni bërë, duhet të shkoni në burg dhe jo në Komisionin Evropian”. u shpreh deputetja duke grisur dy copa letre më pas.
Në atë moment ndërhyri Roberta Metzola , e cila tentoi ta ndërpresë duke i thënë se koha e saj kishte mbaruar, ndërsa Von der Leyen e shikonte duke qeshur.
Kush është Eva Zajacovska
34-vjeçarja Zajacovska është mësuese e historisë dhe gazetare, përfaqësuese e shtypit e formacionit të ekstremit të djathtë "Konfederacja Wolność i Niepodległość" në Poloni.
Ajo filloi karrierën e saj politike në vitin 2014, duke iu bashkuar partisë së ekstremit të djathtë Korwin në qytetin e saj të lindjes Random.
Nga viti 2016 deri në vitin 2023, ajo ka punuar në faqet e internetit si gazetare, duke mbuluar çështje politike, ekonomike dhe bujqësore.
Nga dhjetori i vitit 2023 ajo u emërua përfaqësuese e shtypit të koalicionit “Konfederacja” dhe fitoi një mandat si eurodeputet në zgjedhjet evropiane të këtij viti./Versus
