I ngjan një skenari horror filmi ajo që ka ndodhur në Afrikën e Jugut. Prej muajsh 246 minatorë kishin mbetur të bllokuar në një galeri miniere ari të paligjshme, të improvizuar dhe totalisht të pasigurtë. Këtë të enjte janë nxjerrë të gjallë 78 minatorët e fundit të paligjshëm që kishin mbetur të bllokuar në më shumë se 2.6 km thellësi.
Kanali i lajmeve të Afrikës së Jugut SABC Neës raporton se "shenja të kanibalizmit" janë gjetur në minierë. Thuhet se disa minatorë hëngrën pjesë të trupit të shokëve të tyre për të mbijetuar.
DEVELOPING | One of the volunteers, Mzëandile Mkëayi, has confirmed that some miners resorted to cannibalising to survive underground. As reported by SABC Neës reporter Tebogo Phakedi. Please note the folloëing video is not for sensitive vieëers. pic.tëitter.com/hNIa7RNzkq
— SABC Neës (@SABCNeës) January 16, 2025
Sipas numërimit përfundimtar të policisë, gjithsej 246 minatorë dolën të gjallë nga ky pus 2.6 km i thellë, i cili i ngjan një qyteti nëntokësor. Të mbijetuarit janë në gjendje të keqe, duke marrë parasysh gjymtyrët e dobësuara të atyre që dolën nga kjo minierë ari.
Një numër i pasigurt minatorësh të paligjshëm kishin mbetur nën tokë për muaj të tërë, shumë të dobët për t'u ngjitur përsëri nga i vetmi litar që më parë i lejonte ata të ktheheshin në sipërfaqe, sipas disa dëshmive.
Policia i vlerësoi ato në disa qindra kur filloi më shumë se dy muaj më parë të kufizonte në minimum furnizimin me ujë dhe ushqim.
Një video e dërguar në AFP të hënën nga OJQ-ja Macua, e cila mbron komunitetet e prekura nga aktivitetet e minierave, tregoi ato që dukej të ishin dhjetëra vagona me mbetje të mbushura në errësirën e galerive.
Më shumë se 1,500 minatorë të paligjshëm, shumica prej tyre të huaj, janë arrestuar në vend nga policia që nga gushti.
Midis atyre që dolën të gjallë që nga e hëna “128 persona u konfirmuan se ishin nga Mozambiku, 80 nga Lesoto, 33 nga Zimbabve dhe vetëm 5 nga Afrika e Jugut”, detajoi oficeri i policisë provinciale Patrick Asaneng.
