Kujtim Gjuzi, njëri prej aleatëve të Sali Berishës në koalicionin për “Shqipërinë Madhështore”, ka premtuar se do të sigurojë mbi 70 mijë vota.
I ftuar në emisionin “Të Paekspozuarit”, pavarësisht se moderator Ylli Rakipi i përmendi numrin e votave që kishin marrë në zgjedhjet e kaluara, Gjuzi u shpreh se u ishte bërë vjedhje e votave.
Pjesë nga biseda:
Gazetari Denis Dyrnjaja: Sa vota do i çosh doktorit?
71.555 vota që i ka prish Edi Rama me Lulzim Bashën, i ka doktori. Të duken pak?
Dyrnjaja: Vetëm nga konservatorët?
Ylli Rakipi: Po i gjithë koalicioni juaj në zgjedhjet e kaluara, keni marrë gjithsej 1376 vota.
Kujtim Gjuzi: Po lëre mo, hajdutëri thua ti? I njohëm zgjedhjet ne?
Gjuzi është përmendur shpesh edhe nga kryeministri Edi Rama i cili e përdor emrin e tij në formë ironie për koalicionin me 25 parti të bashkuara nga Berisha. Versus.al
