Çfarë do të gjeni në brendësi
Në ditën e 40-të të protestës, qytetarë të shumtë janë mbledhur para Kryeministrisë ku kanë përsëritur kërkesat e tyre të cilat i kanë përmbledhur në një të vetme: Rama jepe dorëheqjen.Në shenjë simbolike, protestuesit shpërndanë hallvë duke uruar "vdekjen" politike të kryeministrit Rama dhe pushtetit të tij Qytetarët thonë se protestat nuk do të ndalen, por do të vazhdojnë deri në realizimin e të gjitha pikave që kanë kërkuar.
Mbyllet protesta e 40-të, nis marshimi kilometrik në rrugët e Tiranës: Shqipëria kërkon revolucion!
Është mbyllur pas 2 orësh protesta e 40-të kundër qeverisë.
Pas fjalimeve të mbajtura nga aktivistë e qytetarë përpara Kryeministrisë, protestuesit kanë nisur marshimin simbolik në rrugët e Tiranës.
Ndalesat e tyre kanë qenë para institucioneve si Bashkia e Tiranës duke hedhur në kor parulla kundër eksponentëve të PS që sot ndodhen në qeli për akuza të shpërdorimit të detyrës e korrupsion.
Në fjalimet e mbajtura gjatë mbrëmjes së sotme, protestuesit bënë apel për bojkotim të koncertit të Kanye Ëest, për të cilën qeveria do të shpenzojë 4 mln euro./Versus.al
Hita i akuzoi se po sulmojnë bizneset me review negative, protestuesi: Qesharak! Metodë kontrolli e regjimit të vjetër
Deklarata e drejtorit të përgjithshëm të Policisë së Shtetit, Skënder Hita, për review negative të disa bizneseve me lidhje të afërta me pushtetin, ka shkaktuar reagim tek protestuesit.
Nga bulevardi, një nga aktivistët e cilësoi këtë qesharake, pasi kjo formë kundërvënie ndaj fjalës së lirë e qytetarëve, është mjeti i fundit që një qeveri e rrëzuar mund të përdorë.
“Dua t’i them Hitës në vend që të bësh këto thirrje qesharake se po kthehesh në komunizëm dixhital ,do bëjë mirë t’i bëjë thirrje patronazhistëve që fshihen nëpër bodrume, që u vërsulen qytetarëve.
Po të ndërhysh në google për revieë kalon në qesharake. Regjimi bën çmos të kthejë policinë kundër fjalës së lirë. Dikur përdornin spiunët, sot përdorin terrorizmin dixhital... Regjimi është në gramën e fundit dhe po përdor të gjitha metodat për të terrorizuar aktivistët, fjalën e lirë, qytetarët, por kjo nuk do të funksionojë”, tha aktivisti Andi Tepelena./Versus.al
"Ka për të ju mbuluar turpi"/ Thirrja e pedagogut për ambasadat: Shihni nga brezi i ri
Në fjalën e mbajtur sot në protestën e 40-të, pedagogu i Universitetit Bujqësor, Lush Susaj u bëri thirrje qytetarëve dhe rinisë të bashkohen përtej propagandës partiake.
Ai pati një mesazh dhe për ambasadat e huaja që të mbështesin qytetarët dhe të rinjtë.
“Qeverisja më e korruptuar, më hajdutë e më antishqiptare që ka pasur Shqipëria. I bëj thirrje studentëve dhe nxënësve të Shqipërisë, hidhni tutje të gjitha propagandat e partive dhe kthejuni interesave kombëtare. Kjo protestë është në shërbim të kombit. Duhet të luftojmë deri në fund që të kthejmë demokracinë, është një luftë në interes të pluralizmit dhe demokracisë.
I bëj thirrjeve ambasadave europianë ambasadave të SHBA, na ndihmoni dhe qëndroni me shqiptarët sepse me këtë klasë politike nuk është hajri as i joni dhe as i Europës. Boll me derrat e korrupsionit, shihni nga brezi i ri. Ju që fshiheni dhe heshtni ka për të ju mbuluar turpi”, tha mes të tjerash ai./Versus.al
FOTO-LAJM/ "Hani dhe ju hallvë", protestuesja i afrohet policit pranë shkallëve të Kryeministrisë
Në protestën e 40-të, e veçanta e kësaj dite ishte tepsia me hallvë që shpërndanë një grup studentësh në mesin e protestuesve, në shenjë simbolike për vdekjen e frikës nga pushteti.
Por hallva nuk ka qenë vetëm për protestuesit. Një nga të rejat me tepsi në duar i është afruar dhe policëve që kanë qenë në krye të detyrës për të ruajtur godinën e Kryeministrisë.
Konfirmohet protesta kombëtare më 11 korrik, aktivisti: Bojkotoni Kanye West
Nga sheshi para Kryeministrisë, protestuesit kanë lajmëruar një organizim të madh më 11 korrik, në ditën e koncertit të Kanye West.
Një nga aktivistët, Arben Kola, tha se kjo datë do të shënojë një kthesë të fortë, ku përgjigja e popullit ndaj arrogancës dhe shpërdorimit të fondeve publike do të jetë braktisja dhe izolimi total i pushtetit.
“Në datën 11 do të jetë një protestë shumë e madhe dhe qytetarët do t’i bëjnë një bojkot të madh kryeministrit në ikje Edi Ramës dhe Kanye West,” deklaroi prerazi Arben Kola, duke bërë thirrje për bashkim dhe ndërgjegjësim kombëtar përpara asaj që konsiderohet si dita e dënimit të madh publik për qeverisjen”, tha aktivisti.
Më tej ai u bëri thirrje studentëve dhe diasporës që kudo që të shohin politikanët shqiptarë të korruptuar, t'i shajnë dhe t'i demaskojnë./Versus.al
FOTO/ 40 ditë revoltë, shpërndahet hallva në protestë, i urojnë Ramës “vdekjen" politike
Në ditën e 40-të, qytetarët kanë vijuar sërish protestën duke përsëritur kërkesat e tyre ndaj qeverisë.
Një grup të rinjsh kanë marshuar drejt godinës së Kryeministrisë duke mbajtur në duar pjata me hallvë, të cilat i kanë vendosur përpara institucionit kryesor të qeverisë.
Sipas traditës, kjo simbolikë lidhet t me ceremonitë mortore, dhe përmes këtij akti, rinia protestuese ka dashur të përcjellë mesazhin e “vdekjes së frikës” dhe fundit të qeverisë së Edi Ramës./Versus.al
VIDEO-LAJM/ Protestuesit i "hëngrën" hallvën, Rama u kalon me makinë në Bulevard
Pas 40 ditësh protestë qytetare kundër qeverisë, Rama ka kaluar për herë të parë me eskortë në bulevard, shumë pranë mitingut që po mbahet para zyrës së tij.
Pamja e eskortës së kryeministrit është fiksuar nga kamerat ku shihet se si automjetet marrin rrugën drejt bulervardit të madh.
Rama është kthyer nga vizita në Ankara ku mori pjesë në Samitin e NATO-s në Turqi./Versus.al
