Startupi xAI i Elon Musk kërkoi falje të shtunën për mesazhet ekstremiste dhe ofenduese të postuara nga asistenti i tij i inteligjencës artificiale (IA) Grok në fillim të kësaj jave. "Ne kërkojmë ndjesë për sjelljen e tmerrshme që shumë kanë vërejtur ", shkroi xAI në llogarinë zyrtare të Grok në X. Pas një përditësimi më 7 korrik, chatbot, në disa nga përgjigjet e tij, vlerësoi Adolf Hitlerin, denoncoi "stereotipet anti-të bardhëve" në X dhe përfaqësimin "joproporcional" të hebrenjve në Hollywood.
Update on where has @grok been & what happened on July 8th.
— Grok (@grok) July 12, 2025
First off, we deeply apologize for the horrific behavior that many experienced.
Our intent for @grok is to provide helpful and truthful responses to users. After careful investigation, we discovered the root cause…
Në një seri postimesh të publikuara të shtunën, xAI detajoi arsyet pse besonte se modeli i IA-së doli nga rruga e duhur dhe masat korrigjuese që ndërmori më pas. Zyrtarët e Grok ia atribuan daljen nga rruga asistentit udhëzimeve të reja të shtuara në model në një përditësim. Programuesit udhëzuan ndërfaqen të " ishte e sinqertë" dhe të mos "kishte frikë se mos ofendonte njerëzit që janë politikisht korrektë ". Ata gjithashtu e udhëzuan atë të përgjigjej "si një njeri" dhe në një mënyrë që inkurajon përdoruesin të vazhdojë bisedën.
