Një anëtar i qeverisë shqiptare është futur në “listën e zezë” të Shteteve të Bashkuara të Amerikës. Kjo ishte deklarata e analistit Lorenc Vangjeli në studion e Top Story e cila ngjalli shumë reagime.
Sipas analistit, dikush prej ministrave u ka kthyer përgjigjie negative amerikanëve, por nuk zbuloi më shumë detaje rreth kësaj.
“Është vetëm fillimi. Nisur nga hetimet e mëparshme të SPAK, çfarë duket është shumë më pak se çfarë vjen më pas. Ajo që vjen më pas është dhe më e rëndë… një tjetër lëvizje tektonike pritet të vijë. Është një sekret publik që qarkullon në Tiranë për një tjetër anëtar të tryezës qeveritare, u ka thënë jo amerikanëve. Kanë shumë instrumente për të ndërhyrë, dhe një nga instrumentet është non-grata”, tha Vangjeli.
Aktualisht ish-funksionari më i lartë në Shqipëri i shpallur non-grata nga SHBA-të është kryedemokrati Sali Berisha. Versus.al
