Pritet që kandidati i opozitës për zgjedhjet e pjesshme në Himarë të jetë biznesmeni shqiptaro-amerikani Petro Gjikuria.
Gjikuria jeton në Uashington dhe është pjesë e “Federatës Panepirote të Amerikës” .
Gjatë ditës së djeshme, kreu i PBDNJ, Vangjel Dule ka takuar sekretarin e Përgjithshëm të PD-së, Flamur Noka dhe kanë biseduar për kandidatin e Himarës duke rënë dakord për emrin e Petro Gjikurisë.
Zgjedhjet në Bashkinë e Himarës do të mbahen më 4 gusht ndërsa sipas projektvendimit të KQZ, kandidatët do të kenë në dispozicion, vetëm 1 javë kohë për të organizuar fushatën e tyre.
Nëse Petro Gjikuria zgjidhet nga opozita ai do të jetë përballë Vangjel Tavos kandidati i zyrtarizuar i socialistëve.
Zgjedhjet në Himarë zhvillohen pasi KQZ i hoqi mandatin kryetarit të zgjedhur në 14 maj të 2023, Fredi Belerit, i dënuar me 2 vite burg për korrupsion në zgjedhje./Versus
