Kryeministri Edi Rama gjatë fjalës së tij në forumin e Paqes në Paris ka vijuar me batutat e tij lidhur me gjatësinë. Duke e cilësuar veten si më të gjatin mes liderëve, Rama tha se roli i tij nuk është aq i madh për shkak se Shqipëria është vend i vogël.
“Unë jam më i gjati prej të gjithëve, por përfaqësoj një vend shumë të vogël që mund të ndryshojë trajektoren e kësaj që po ndodh. Nëse do merret në konsideratë madhësia e vendit tim, as nuk duhet të isha këtu. Unë besoj se duhet t’u dal për Zot mendimeve të mia. Nëse mendimi im është i gabuar, nuk vjen ndonjë dëm”- tha Rama.
Ndërsa gazetari i zbuloi se ishte nga Italia, Rama tha se ishte nga një “Shqipëri e madhe” dhe se italianët janë thjesht “shqiptarë të veshur me versaçe”.
Mes të tjerash, ai nuk ngurroi sërish që të përdorte batuta sa i takon kryeministres Giorgia Melonit.
“Pavarësisht se është e shkurtër fizikisht, kur merr fjalën ajo është më e gjatë se unë”- u shpreh ai. Versus.al
