Gjykata Themelore në Strugë, me kërkesë të Prokurorisë Publike, ka konfiskuar pasaportën e kryetarit të Komunës së Strugës, Ramiz Merko, për të parandaluar kështu “arratisjen e tij”.
Merko, i cili po përballet me disa procedura gjyqësore aktive, tani është i detyruar të paraqitet një herë në javë në Gjykatë.
Prokurori publik kompetent i Strugës akuzon Merkon se në mars të këtij viti, “ka vendosur një shenjë përkujtimore – pllakë në hyrje të objektit të komunës, me të cilën ka nxitur urrejtje dhe përçarje etnike tek banorët e Strugës, duke kryer veprën penale nga neni 27 i Ligjit për memorialet dhe monumentet”, njoftoi më 28 dhjetor Prokuroria.
Sipas Prokurorisë, Merko, i cili prej kohësh mban funksione publike, është pjesë e disa procedurave ligjore të hapura këtë vit nga Prokuroria Publike e Strugës.
Përmes një deklarate, Prokuroria sqaroi se deri më tani kundër tij janë ngritur disa kallëzime, ndërsa po zhvillohen edhe tetë procese gjyqësore për vepra penale si keqpërdorimi i pozitës dhe autoritetit zyrtar si dhe për punë të papërgjegjshme në detyrë. Secila nga këto vepra parasheh dënim me burgim.
Bazuar në këtë situatë, prokurori kompetent ka vlerësuar se ekziston rreziku real që Merko “të përpiqet t’i shmanget ndjekjes penale”.
Ramiz Merko, i cili vjen nga radhët e Bashkimit Demokratik për Integrim (BDI) në opozitë, u shpall person "non grata" nga Departamenti amerikan i Shtetit (DASH) më 20 qershor 2023.
Uashingtoni atë kohë njoftoi se Merkos i ndalohet hyrja në Shtetet e Bashkuara për shkak të përfshirjes së tij në korrupsion të konsiderueshëm. Në deklaratën e DASH-it thuhej se kryetari i Komunës së Strugës kishte përvetësuar fonde në mënyrë të paligjshme dhe kishte ndërhyrë në procese gjyqësore dhe publike, duke dëmtuar besimin e qytetarëve ndaj institucioneve demokratike të Maqedonisë së Veriut.
Përveç Merkos dhe familjes së tij, në listën e zezë të SHBA-së së fundmi është futur edhe një ish-zyrtar i BDI-së, Artan Grubi, i cili po ndiqet penalisht dhe i cili dyshohet se është arratisur nga shteti. / REL
Qarku i Tiranës (PS) / Kë do të votoni për deputet të Kuvendit të Shqipërisë, në zgjedhjet e 11 majit
-
Edi Rama
-
Ogerta Manastirliu
-
Elisa Spiropali
-
Lindita Nikolla
-
Taulant Balla
-
Adea Pirdeni
-
Albana Koçiu
-
Igli Hasani
-
Delina Ibrahimaj
-
Ilva Gjuzi
-
Iris Luarasi
-
Erjon Malaj
-
Andi Seferaj
-
Anila Denaj
-
Antonela Dedej
-
Arben Pëllumbi
-
Blendi Gonxhe
-
Blendi Sulaj
-
Blerina Gjylameti
-
Edlira Dyrmishaj
-
Eldi Çepeli
-
Endrit Brahimllari
-
Entela Ramosaço
-
Erjon Braçe
-
Ermonela Felaj
-
Ervin Hoxha
-
Etilda Gjonaj
-
Etjen Xhafa
-
Fatmir Xhafaj
-
Florian Pullazi
-
Glindxhet Madhi
-
Halil Koloshi
-
Halit Valteri
-
Julinda Dhame
-
Kejsi Elezi
-
Klotilda Bushka
-
Mimi Kodheli
-
Mirgit Vata
-
Olta Xhaçka
-
Ornaldo Rakipi
-
Pandeli Majko
-
Persida Shkrepa
-
Plarent Ndreca
-
Roy Bashaj
-
Silda Çepe
-
Sofika Lleshi
-
Toni Gogu
-
Xhemal Qefalia
-
Ylli Shehu
