Teksa afati për partitë dhe koalicionet është mbyllur në lidhje me regjistrimin për zgjedhjet parlamentare të 11 majit, pak ditë kanë mbetur edhe nga ai i dorëzimit të listave të kandidatëve për deputetë (12 marsi).
Lëvizja Bashkë e Arlind Qorit është e para parti që dorëzon listat për kandidatët në Komisionin Qendror të Zgjedhjeve.
Lista kryesohet nga pedagogu Redi Muçi, ndërsa kryetari i kësaj partie, Arlind Qori, do të jetë i renditur në vendin e dytë, i ndjekur nga Bora Memaj.
Lista ka në përbërje aktivistë, intelektualë, profesionistë, punëtorë, pensionistë, të rinj, sipërmarrës dhe përfaqësues të komuniteteve të ndryshme.
“Lëvizja BASHKË po e nis prezantimin publik të kandidatëve të saj nga qarku i Tiranës. Mes tyre janë aktivistë, intelektualë, profesionistë, punëtorë, pensionistë, të rinj, sipërmarrës dhe përfaqësues të komuniteteve të ndryshme. Ju ftojmë ta lexoni“, shkruan Lëvizja Bashkë teksa publikon listën.
